တရားအလုပ်ဆိုတာ…(တရားနဲ့ ဖြေရှင်းနိုင်ခြင်းဆိုတာ)

Nov 18, ’11 9:50 AM

တရားအလုပ်ဆိုတာ…(တရားနဲ့ ဖြေရှင်းနိုင်ခြင်းဆိုတာ)

၁) သတ်မှတ်ချက်တွေကို စွန့်လွှတ်စရာအဖြစ် အသုံးချရပါမယ်။
သတ်မှတ်ချက်တွေအပေါ် အဟုတ်ထင် အဓိကထားနေမှု ကို စွန့်လွှတ်တတ်ဖို့ သတ်မှတ်ချက်တွေကို အသုံးချရပါမယ်။
အခက်အခဲ ပြဿနာတွေကို စွန့်လွှတ်စရာ အဖြစ် မှန်မှန်ကန်ကန် အသုံးချတတ်ပါက ၀ိပဿနာဥာဏ် မဂ်ဥာဏ် ဖိုလ်ဥာဏ်ကို ကျေးဇူးပြုပါမယ်။

၂) စိတ်တွေ- ဝေဒနာတွေ- ခံစားချက်တွေကို စွန့်လွှတ်စရာအဖြစ် အသုံးချရပါမယ်။
စိတ်တွေ- ဝေဒနာတွေ- ခံစားချက်တွေအပေါ်
…. အဟုတ်ထင် အဓိကထားနေမှု ကို စွန့်လွှတ်တတ်ဖို့ ….
စိတ်တွေ- ဝေဒနာတွေ- ခံစားချက်တွေကို အသုံးချရပါမယ်။

၃) ဖြစ်ပေါ်နေတဲ့စိတ်တွေနဲ့ အတူ အဓိကထားနေမှု (အစွဲ) က တွဲလျှက် ဖြစ်ပေါ်နေသည်။
ဖြစ်ပေါ်နေတဲ့စိတ်တွေကို တိုက်ရိုက်မကိုင်တွယ်ဘဲ ……အဓိကထားနေမှု (အစွဲ) ကိုသာ ဖြုတ်ရ – စွန့်ရပေမည်။

ဖြစ်ပေါ်လာတဲ့ အခက်အခဲ – ပြဿနာတွေ အနှောက်အယှက်တွေကို
တရားနဲ့ (စွန့်လွှတ်တတ်မှုပညာ ဖြင့်) ဖြေရှင်းနိုင်ပါမှ တရား နားလည်နိုင်မှုကို ကျေးဇူးပြုပါလိမ့်မယ်။

အခက်အခဲ – ပြဿနာတွေ အနှောက်အယှက်တွေကို
သူလိုငါလို လောဘ-ဒေါသ နည်းလမ်းစုံဖြင့် ဖြေရှင်းနေသူအတွက် တရားစစ်ကို နားလည်နိုင်မည်မဟုတ်။

အခက်အခဲ ပြဿနာတွေကို စွန့်လွှတ်စရာ အဖြစ်
မှန်မှန်ကန်ကန် အသုံးချတတ်ပါမှ ၀ိပဿနာဥာဏ် မဂ်ဥာဏ် ဖိုလ်ဥာဏ်ကို ကျေးဇူးပြုပါမယ်။

* * * * * * *

သတ်မှတ်ချက်တွေကို အဟုတ်ထင် အဓိကထားနေမှုကို စွန့်လွှတ်နေတာ တရားအလုပ်ပါ။

ကိုယ်နားလည်တဲ့ –

၁) ဖြစ်ချင်မှု – မဖြစ်ချင်မှု

၂) ပြုလုပ်ချင်မှု – မပြုလုပ်ချင်မှု

၃) သိချင်မှု – မသိချင်မှု တွေအပေါ်

အတည်ယူ ဆုပ်ကိုင် အဓိကထားနေမှု ကို
စွန့်လွှတ်နေတာ တရားအလုပ်ပါ။

(ဆရာတော်ဦးဥတ္တမသာရ- သန်လျင်သဘာဝရိပ်သာ ဟောကြားသော ၂၁-၁၁ တရားစီးရီးမှ)

Leave a Reply

Your email address will not be published. Required fields are marked *