သဘာဝတရားရိပ်သာ(သံလျှင်မြို့နယ်)

Nov 23, ’10 11:34 PM

သဘာဝတရားရိပ်သာ(သံလျှင်မြို့နယ်)

သဘာဝတရားရိပ်သာ
(ကျိုက်ခေါက်ဘုရားအနီး၊ သံလျှင်မြို့နယ်)

၁။ တရား အားထုတ်သောအလုပ်ကိုသာ အဓိကထားရာနေရာ

သဘာဝတရားရိပ်သာသည် ဗုဒ္ခမြတ်စွာ-ဘုရားရှင်ကိုနမူနာယူပြီး ဘုရားရှင်၏ သာသနာ ကျယ်ပြန့်ဖို့ တရား အားထုတ်သောအလုပ်ကိုသာ အဓိကထားသော ရိပ်သာဖြစ်ပါသည်။ လူကြီးလူငယ်မရွေး၊ လူမမာပါမကျန် တရားအလုပ်တစ်ခုတည်းကိုသာ ဇောက်ချလုပ်နိုင် စေရန်အတွက် လိုအပ်သော စားဝတ်နေရေးနှင့် ကျန်းမာရေး ပြဿနာများကိုပြေလည်အောင် အခမဲ့ဝိုင်းဝန်းကူညီ ဖြေရှင်းပေးသောနေရာဖြစ်ပါသည်။

တတ်နိုင်သူ စေတနာရှင် အများအပြား၏ စင်ကြယ်သော ငွေများဖြင့် လိုအပ်သောသူများကို လိုအပ်သလို ကုသိုလ်ကောင်းမှု ပြုရာ နေရာလည်းဖြစ်ပါသည်။

၂။ သက်ကြီးရွယ်အိုများ၊ အထီးကျန်ခိုကိုးရာမဲ့များ၊ လူမမာများ၊ ဒုက္ခိတများအတွက် တရားခိုလှုံရာနေရာ

သက်ကြီးရွယ်အိုများ၊ အထီးကျန်ခိုကိုးရာမဲ့များ၊ လူမမာများ၊ ဒုက္ခိတများ၊ ပင်စင် စားများ စိတ်သက်သာ အေးချမ်းစွာဖြင့် တရားရိပ်ခိုလှုံရာနေရာဖြစ်ပါသည်။ တရား အားကိုးတာချင်သော်လည်း အခြားရိပ်သာများမှ လက်မခံနိုင်သောသက်ကြီးရွယ်အိုများ၊ လူမမာ များကိုပါ ကူညီစောင့် ရှောက် ပေးသောနေရာဖြစ်ပါသည်။ ရိပ်သာမှ အစစအရာရာ အခမဲ့ကူညီမှုအပြင် ပြင်ပမှ စေတနာရှင်များကလည်း မကြာမကြာ လာရောက် လှူဒါန်း ကြပါသည်။ ယောဂီအချင်းချင်း မိသားစုလို ၀ိုင်းဝန်း ကူညီ ထောက်ပံ့မှုကြောင့် ဆွေမျိုးရင်းချာ မရှိသော သူများအတွက်လည်း ပူပင်စရာမလို သောနေရာဖြစ်ပါသည်။

အကြောင်းအမျိုးမျိုးကြောင့် ဆိုးပေ နေသူများကိုလည်းချန်မထားဘဲ ဒါန-သီလ-ဘာဝနာတရား အလုပ်များကို တတ်စွမ်းသမျှ ပြုလုပ်ကြစေရန် ကူညီ လမ်းဖွင့် ပေးထားခြင်းဖြင့် ဗုဒ္ဓဘာသာသာသနာ ကျယ်ပြန့်စေရန်အတွက် ဒါန၊သီလ၊ဘာဝနာတရားအလုပ်ဖြင့် အဖက်ဖက်က ၀ိုင်းဝန်းကူညီ ဖြေရှင်းနေခြင်းသာ ဖြစ်ပါသည်။

၃။ မှန်ကန်သော မဂ္ဂင်အကျင့်ကို နားလည်အောင် အားထုတ်နေသူများ၏ စုဝေးရာ နေရာ

သဘာဝတရားရိပ်သာသည် ဘုရားရှင်၏အမွေဖြစ်သော မှန်ကန်သောမဂ္ဂင်အကျင့်ကို နားလည်အောင် ကြိုးစား အားထုတ်နေသူများ၏ စုဝေးရာနေရာဖြစ်ပါသည်။ ရိပ်သာတွင် တရားဟော တရားပြသကြသော ဆရာများမှာလည်း ဘုရားရှင်ကျင့်စေချင်သည့် လိုရင်းရောက်အောင် ကိုယ်တိုင်အားထုတ်ခဲ့ကြပြီး လူအများကိုလည်း မဂ္ဂင်အကျင့်လိုရင်း ရောက်သည်အထိ နားလည်အောင် ပြန်လည်ကူညီခြင်းဖြစ်ပါသည်။ အပေါ်ယံကျင့်ကြံ အားထုတ်ဖို့ကလွယ်သော်လည်း နက်နက်နဲနဲ လိုရင်းရောက်အောင် ကျင့်ကြံအားထုတ်ဖို့က ခက်ခဲပါသည်။

၎။ တရားအဓိကထား၍ အများအကျိုးဆောင်ရွက်မှု

ရိပ်သာသို့ရောက်လာလျှင် တရားရိပ်ကြောင့် ပူလောင်မှုများ၊ အစွဲများလျော့နည်း သွားပြီး စိတ်အေးချမ်းသက်သာမှုရှိကြသဖြင့် ရိပ်သာနေယောဂီများ များပြားခြင်းဖြစ်ပါသည်။

ရိပ်သာသို့ လာရောက်လေ့လာသူတိုင်း တရားကိုသာအဓိကထား၍ အများအကျိုးဆောင်ရွက် နေခြင်းဖြစ်ကြောင်း နားလည်သွားကြပါသည်။ အများအကျိုးဆောင်ရွက်သော်လည်း အများအကျိုး ဆောင်လုပ်ငန်းက အဓိကမဟုတ်ဘဲ တရားနားလည်စေဖို့ အဓိကထားပြီး ကူညီ ပေးခြင်း ဖြစ်ပါသည်။

မြို့နယ်သံဃာ့နာယက အဖွဲ့မှလည်း သဘာဝတရားရိပ်သာ၏ လုပ်ရပ်များ ကို ကိုယ်တိုင် ကြုံတွေ့ နားလည်လက်ခံကြပါသည်။ အဖက်ဖက်မှကူညီစောင့်ရှောက်မှုများကြောင့် ဘုရားရှင်၏ ၀ိပဿနာသာသနာကျယ်ပြန့်လာစေပြီး လူအများစိတ်ငြိမ်းချမ်းစွာနေနိုင်ရေး အတွက် အကူအညီ အထောက်အပံ့ဖြစ်စေပါသည်။

၅။ အားကြီးသောကုသိုလ်ကောင်းမှုများ ပြုလုပ်ရာနေရာ

သဘာဝတရားရိပ်သာသည် မြန်မာပြည်တွင်သာမက ကမ္ဘာပေါ်တွင်ပါ ရှားပါး နေသေးသည့် ဗုဒ္ဓဘာသာဝင်များ၏ အားကြီးသောကုသိုလ်ကောင်းမှုများ ပြုလုပ်ရာနေရာ ဖြစ်ပါသည်။ နိုင်ငံရပ်ခြားအချို့တွင်ပါ ထိုသို့သော ရိပ်သာနေရာမျိုး ဖြစ်ပေါ်လာစေရန် ဆန္ဒရှိနေကြပါသည်။ ဗုဒ္ဓဘုရားရှင် လေးသင်္ချေ နှင့် ကမ္ဘာတစ်သိန်း ကိုယ်ကျိုးစွန့်အနစ်နာခံ ရှာဖွေဖော်ထုတ်ပေးခဲ့သော မဂ္ဂင်တရားကိုသာ စိတ်သက်သာ အေးချမ်းစွာလုပ်စေလိုသော ရိပ်သာအကျိုးတော်ဆောင်များ ၏ကြီးမားသည့် စေတနာကို နားလည်ပေးစေချင်ပါသည်။

၆။ ရိပ်သာမြေနေရာအားလုံးသည် အမြဲတရားကိုအားကိုးလိုသော ခိုကိုးရာမဲ့သူ များ အတွက်သာ

သက်ကြီးရွယ်အိုများအပြင် အိုးပစ်အိမ်ပစ်ဖြင့် ရိပ်သာတွင်နေထိုင်ပြီး တရားအလုပ် ကိုသာ ဇောက်ချလုပ်နေသူများ အတွက်လည်း အိမ်ပြန်ရန် အခက်အခဲရှိနေပါသည်။ ထိုသို့သော တရားသမား စစ်စစ်များ၏ ခိုကိုးရာနေရာ နှင့် တရားအလုပ်ကို ရေရှည်ရပ်တည်လုပ်ကိုင်နိုင်စေရန် ရိပ်သာမှ ကူညီဆောင်ရွက်ပေးနေပါသည်။

အဆောက်အဦများကို ခွင့်ပြုချက် မတောင်းခံပဲ ဆောက်လုပ်ခြင်း မဟုတ်ဘဲ တောင်းခံ ထားသော ခွင့်ပြုချက်ကို စောင့်ဆိုင်းရင်း များများလာသော ယောဂီများ၏ နေရာအခက်အခဲအတွက် လည်းကောင်း၊ စောင့်ရှောက်သူမဲ့ ခိုကိုးရာမဲ့ လူမမာ-ယောဂီများအတွက် တကယ့်လိုအပ်ချက် ကြောင့်လည်းကောင်း စေတနာရှင်များ၏အလှူငွေများဖြင့် ဆက်ဆောက်ဖြစ်ခြင်း ဖြစ်ပါသည်။

အစိုးရပိုင်မြေ၊ သူများပိုင်မြေပေါ်တွင် ကျူးကျော်ရိပ်သာဆောက်ခြင်း မဟုတ်ဘဲ စေတနာဖြင့် လှူဒါန်းထားသောနေရာများနှင့် စီးပွားရေး၊ ကျန်းမာရေးအခက်အခဲများကြောင့် အကူ အညီပေးပါရန်တောင်းပန်သူများ၏ ပြန်လည် ရောင်းချသော မြေနေရာများကိုသာ အများ တရားအားထုတ်ရန်နေရာအဖြစ် အသုံးချ ထားခြင်း ဖြစ်ပါသည်။ ရိပ်သာဝင်ယောဂီ များမှာလည်း သူတို့စေတနာအလျောက် လာရောက် အားထုတ်ကြခြင်းဖြစ်ပါသည်။ လူမများ များအောင် စုစည်းထားခြင်း လုံးဝ မဟုတ်ပါ။

၇။ ရိပ်သာတွင် တရားအားကိုးလျှက် အများအကျိုးအတွက် ကူညီလုပ်ကိုင်လိုသူ များလိုအပ်

သဘာဝတရားရိပ်သာသည် တရားအားကိုးလိုသူဦးရေများပြားသော်လည်း လိုအပ်သလို ၀ိုင်းဝန်းကူညီ လုပ်ကိုင်ပေးနေသော ငယ်ရွယ်သန်စွမ်းသူ အနည်းငယ်သာရှိပါသည်။ ယောဂီများထဲမှ အိုမင်း မစွမ်း၊ မှီခိုရာမဲ့၊ ဒုက္ခိတနှင့် ရောဂါသည်များ၏စာရင်းမှာ အောက်ပါအတိုင်းဖြစ်ပါသည်။

သဘာဝတရားရိပ်သာ၏အမြဲနေယောဂီများထဲမှ သက်ကြီးရွယ်အိုနှင့်လူမမာများစာရင်း

ကျား မ
– သက်ကြီးရွယ်အိုခိုကိုးရာမဲ့ ၂၄ ၈၂
– လူမမာ ၁၅ ၆၃
– ဒုက္ခိတ ၅ ၃
– မျက်မမြင် ၃ ၁
– စိတ်ဝေဒနာရှင် ၂ ၅
– သက်ကြီးရွယ်အိုနှင့်လူမမာများ စောင့်ရှောက်ရန် ၁၀ ၃၀
– သန့်ရှင်းရေး၊ချက်ပြုတ်ရေး ၁၅ ၁၅
စုစုပေါင်း ၇၄ ၁၉၉
(အားလုံးပေါင်း=၂၇၃)

(မှတ်ချက်။ ၂၀၁၀ အောင်တိုဘာလ အထိ စာရင်းဖြစ်ပါသည်။ နားလည်မှုလွဲမှားမှုကြောင့် သံလျှင်သဘာဝရိပ်သာ အား တိုင်ကြားမှုများအတွက် အမှန်အတိုင်း သိစေနိုင်ရန် တင်ပြခြင်းဖြစ်ပါသည်။

ရိပ်သာ၏ မဂ္ဂင်တရားကို အဓိကထားလျှက် အများအကျိုးဆောင်ရွက်မှု မှတ်တမ်းဓါတ်ပုံများကို www.flickr.com/photos/ottamasara နှင့် http://realenlightenment.multiply.com/photos တို့တွင် ကြည့်ရှုနိုင်ပါသည်။)

အကျိုးတော်ဆောင်အဖွဲ့
သံလျှင်သဘာဝရိပ်သာ

Leave a Reply

Your email address will not be published. Required fields are marked *